來到這一年, 總會感到那份無從解釋的變化......是曾經, 是再遇, 是成長, 是回望.....是時候一一重新體驗, 每個女生最勇敢的一步

Marthes's profile來到這一年, 總會感到那份無從解釋的變化.......PhotosBlogListsMore

Tools

Help

Blog

June 29

小炭頭, 打桌球 + 兩件新玩具

好多謝joe陪我同教我打桌球! 都幾好玩!! 哈哈, 唔知d人有無發現我整爛左張poster呢?? hehee!

原來桌球枱都幾好大, 支q 都幾重家, 同埋好長, 初頭都唔知點渣好! 最挍笑係連續兩野打空氣! 真係比自己笑死左! 後尾打打下ok好多, 知道自己個企位+pose好影響我支q打唔打到直線家! 阿joe仲教左我用埋果度d equip! 有一支好長既义同q, 我打個好遠既ball, 打到呀, 但係個波好快咁衝過黎仲係枱果兩支..q到.. 又鬼咁重喎, 差d 走唔切! 好彩無阻到咋! 哈哈! 第一次玩, 當然唔少得要影下相啦! haha! 我全晚入得最多既係...白波, 仲要係pang pang 聲家! ^^

打完波之後, 我地去左食飯, 係我今年第一餐生日飯呀! 好yummy! 多謝joe & virginia!

我同shelby一齊去買左之前睇中左既headphone, 佢買左米白色, 而我就揀過另一個款, 因為我個頭太細啦...我個係..

d 聲好正! 不過真係聽唔到出面d聲家!!

我仲買左個webcam! 點解買webcam? 哈哈, 就係同shelby video call! 我地夜晚就即刻玩左啦! 係HD黎家! 勁清! :p

2:02 PM | Add a comment | Permalink | Blog it

June 27

網球公主+ funny dinner

成功報到網球班啦! 今晚同左winsy去旺角買網球鞋. 唔該晒阿斯, 我地7折買左對靚靚網球鞋啦!!! 點解會去學網球?? 係animax睇完套網球王子就已經好想打家啦, 不過果時返學忙, 無時間! 而家考完試, 每個星期多返2晚出黎, 可以去學lu! haha! 向網球公主出發~~~

買完鞋, 就同鳴哥去左買相機背囊! 我係果度又妖樣下, 見到個g10既防水袋都想買家! 不過都要$175, 而且我部三洋又可以落水, 好似好浪費咁! 問呢樣問果樣後, 最終都係乜都無買! 淨係鳴哥買左個bag! haha, 挍挍震, 無幫襯!

之後我地去左食飯! 又係食我最愛既日本野! 鳴哥有張無expiry date既hk$50 coupon, 要食滿$350先用得! 咁我地三個人諗住好easy啦! 食食食食..鳴哥係我同winsy去左toilet時叫左埋單, 因為都成9點幾lu, 我地張單$363.3 (大約), 不過, 部長話要未加一前夠$350先可以用, 我地差十幾蚊. 唉! 有時個腦同個口講野同部都幾失禮家! 我好快咁就話我食多一碟米ok law! 阿部長O左嘴, 跟住話都OK. 咁我地又開始ROUND 2. 因為張桌已經執晒, 無筷子無碟咁, 佢地由頭比返晒D野我地, 好似ROUND 1 CLEAR, ROUND 2 開始咁! 最挍笑係我地加豉油時, 支豉油已經無晒, HAHA 笑死! 最後, 我地都完成任務, 用到張已經霉霉地既COUPON. 食多左三碟, 唔好咁失禮. 結果埋單HK$360. 平左$3.3, 食多左半個鐘(避左好大雨) 同埋好飽!

哈哈!

12:19 AM | Add a comment | Permalink | Blog it

June 24

小組後既反思

今晚返小組, 我地開始查撒母以記上, 開始查經之前, 組長叫我地先去諗一樣我地好想得到, 會祈求神賜比我地既一樣野.

撒上第一章, 當中講到哈拿. 一個對神好有信心, 一切都交托既一位女子. 之後, 組長就問返我地頭先叫我地諗會祈求神賜比我地既係乜野! 唔一定要講, 有d可能好私忍家嘛!

其中有位姊妹分享佢一直以來盼望神可以賜另一伴侶比佢, 一齊走人生既路. 呢個都係另一位姊妹所想, 想有一個自己既家, 老公同小朋友. 哈哈, 無論係社會, 教會定小組, 我相信我呢個年齡女多男少既現象真係好普遍, 或許, 呢個都係好多女孩子既心願吧!

感謝神, 姊妹經過一段漫長既時間去預備自己, 原來爸爸已經一早為佢預備好, 只係要當佢自己都ready, 懂得委身既意義, 接受, 先讓佢睇得到邊個係為佢預備的伴侶. 有時候, 你覺得爸爸無聆聽你既禱告, 可能只不過係你未了解到你應該要點做, 都未去到stage 3 , 又點可能去到打大佬喎! 係米?!

我都識得好多仍然單身既女孩子, 可能佢地都好渴求有個男朋友, 雖然係咁, 但都應該靜心去看, 自己係米都預備好去迎接真命天子. 未出現, 不用急, 盲目去追求. 可能, "預備自己" 真的很難明白吧?! 點先係去ready自己, 要點預備呢? 哈哈, 真係一個迷! 我相信要用心去感受吧! 每個人需要預備既都應該唔同!! 要有信心, 一個人都唔使怕!

而我, 常祈求最想要既, 係一個機會吧! 可以去幫助人, 又可以體驗一下, 鍛鍊自己獨立d, 堅強d既機會!

生日就到, 好快又大一歲啦! 身邊既朋友都好肉緊我點解仲係一個人. 你地既關心, 我明白, 好多謝你地咁錫我. 我仍好享受一個人既逍遙, 去台灣見大東就去見大東, 去衝浪就去衝浪, 去影相就去影相, 好寫意嘛! 如果有埋自己既屋企, 可以享受埋家庭樂就very good啦!!或許, 我真係未有準備去改變而家既生活. 一切都好好, 我都好開心! 因為我有一班好錫我既朋友同屋企人, 有教會既弟兄姊妹陪我走屬靈既路. 可以做自己想做既事. 一切都係掌握得到既範疇, 好安心, 好開心!

一個人唔一定寂寞, 一個人都可以活得精采! 我相信神, 你地也要相信我, 我真的覺得自己好幸福!

3:01 AM | Add a comment | Permalink | Blog it

June 20

我在墾丁的日子---Day 1 (2009/6/11)

六月十一日我地一行五人浩浩蕩蕩咁出發去台灣, 開始左我地五日四夜墾丁台東之旅! 出發之前, 我地睇左天氣預告, 全都係陰天, 下雨同打雷. 都幾灰家! 我地係去玩水, 睇景加影相家嘛! 我每日都為著呢件事祈禱, 希望有個好天氣! 當我地一出高雄機場, 天氣好到不得了呢! 藍天白雲, 我開心到不得了! 心裡立即感謝天上爸爸既絹顧!! 今次, 司機不是Peter了, 佢去左台北工作, 黎接我地既係Allen, 中文名叫愛郎, 真係唔得死, haha! 佢so far都ok既, 不過commercial左d, 無peter咁誠懇同親切! 但係都好玩既!

我地沿途不停傾計, 本來坐車一定會訓既eva都無訓過, 可能因為我太嘈吧! 哈哈! 我有個iTouch 既speaker, lego型果隻, 帶埋佢黎真係掂晒! 我地個旅程有captin lu, fish, 范韋琪, 老師等陪住我地! 好聽既音樂, 美麗既景, 好好既天氣, 心情點會唔好呢?! 見到咁好既天氣, 個人已經有d hyper啦! 未出發之前, 心情總是怪怪的, 有日慣常同janny食lunch既時候, 佢都覺得我怪怪的, 問我係米唔開心or有心事, 查實又真係好似無乜野, 梗係好似無乜精神咁! 一踏出高雄機場, 呢d感覺一掃而空lu!

第一日既行程好簡單, 就係去浮潛同墾丁大街逛下, 之後返卡米克泡溫泉睇星星! 去卡米克浮潛之前, 我地去左租車既office見下隻husky同比埋錢錢, 隻husky叫danny, 佢好鬼熱情家, 好慘烈咁先同佢靜少少咁影張相. 好可惜既係我條白色新既quick silver….有佢既腳印嘛!!! Allen好細心, 同左我地去枋寮火車站買左後日要去知本既火車飛先, 以防無位嘛! 跟住我地就去卡米克check in啦! 再次踏足卡米克, 有我最喜歡既黃色reception, 親切既老板娘~~ 我又再返到黎啦!

今次都係去後壁湖浮, 不過浪好大, 哈哈, 我個人真係惡, 阿joe佢係唔識游水家, 佢問可唔可以唔淨潛, 我同佢講唔得, 一定要浮潛! 佢真係有浮, 不過, 因為浪好大再加上佢個mask比較鬆, 我諗佢又驚又入水又大浪, 應該都唔係好enjoy到家啦! 晚上逛左一個圈墾丁大街就返卡米克浸溫泉!

我地好好彩, 果晚個天好清, 好多星星, 可以望星浸下溫泉, 真係幾寫意! 一天一切都好美好! 當我係sitting room到執拾緊行理, 預備明天衝浪既野時, 我見到有條蜈蚣baby係個電視位到好快速咁行走緊! 我當然係大叫, 然後跳左上去sofa到! 其他人見唔到佢, 我指比佢地睇! 大家都好驚! Joe係露台出面賞月同影相中, 聽到大叫就走入黎問係米有事, 我地米講佢知羅! 佢係成團既唯一男生, 只有佢可以幫我地殺死佢啦! 我都有幫手家, 就係去睇下老板佢地訓左未, 同埋比本書joe去打死佢! 經過一輪苦戰, 最後, joe係佢間房打死左佢, 我地無拎返起本書, 因為….多謝joe! 佢仲要與蜈蚣同眠左一晚!!!

美麗既背後都會隱藏殺機……

1:17 PM | Add a comment | Permalink | Blog it

June 07

爽! 考慮250~~ 呵呵

今日坐智仔車去紅磡, 我帶左shelby舊年係台灣買比我既黃色頭盔坐車尾! haha, 我一定係細碼頭, 因為扎埋辮帶都仲有位淨. 坐車尾, 爽! 哈哈, 我當然係勁問問題啦! 有智教練係到喎! ^^

佢架係250. 今晚我地做完晒野, 佢兜返我返西環, 我一直都諗究竟買150好定250. 我驚250太大架我渣唔好睇. 佢今晚比我試埋啦, 原來我渣250都ok喎, 腳到地, 又唔會太得滯, 咁除左小綿羊多個choice! 我仲叫左智仔影返張相比我睇下係米真係唔會太大嘛! 順便影埋個好cute既頭盔!

個頭盔可以放到入背包, 咁可以返到屋, 不過入屋都有d心虛家! 之後鼠入房, 放佢入衣櫃. 可能放個唔好, 係個廳上上下網boom一聲, 阿媽好大反應話乜野聲, 好想行去睇, 我話可能跌左野落地o者
自己去睇, 即刻放個! 嚇死! 有驚無險! woo! 星期一要偷運佢返公司, 切離危險地...

去完旅行返黎同vicky去睇車先! yeah!

okok~~~ 唔係太大o者

12:05 AM | Add a comment | Permalink | Blog it

May 22

心終於再次打開了

知道嗎, 一直以來, 我都覺得你既心一直都關上左. 睇到你開心既相片, 開心的笑容, 知道你既心終於再次打開! 見到你開心, 我都安心多了.

可能我比較忙, 返學佔左我很多時間. 我地少左時間見面, 不能好似以前咁成日傾計, 一班人開秘密party! 一直都擔心你新工作環境ok嗎? 同事ok嗎? 開心嗎? 擔心走了, 我都好開心!

生活就應該係要這樣! 我地係要為自己將來打算, 但係都要享受生活. 如果只係為著將來而生活, 忘了享受既過程, 實在太浪費啦! 可能, 身邊既朋友會覺得我玩得太過份, 請放心, 小炭頭知道自己既底線在那! 本來想黎過一個月backpack式既畢業旅行, 最後都係向現實委服, 或許明年吧! 我總有個藉口比自己去個旅行, hehee! 一個人, backpack 去浪跡天涯, 到處走走影下相, 讚!

享受生活, 係一個終身學習既課題, 好開心你報名上呢個課程啦!

要記住, 關懷同愛係唔會受時間, 距離, 空間所限制, 雖然唔係常常見面, 但係感情係唔會變, 永遠都係一樣!

一齊加油吧!

11:28 AM | Add a comment | Permalink | Blog it

May 18

倆心不會變!

早幾日, 朋友約我dinner, 比婚禮請柬我! 佢地張invitation card好有心思, 本來係正方形既咭, 上面有佢同新娘子的名, 整張睇係有LOVE, "L" 係沿住咭左面直角位, 中間有"OVE"既組合, 而O既左右亦有"g" 同"d". 經解說, 呢份愛係不但有朋友及新娘子, 更有神在中間! 將張咭打開係一個心形, 串起呢個心既, 係一段經文. 真係好有心思!

今日, 婚禮開始時, 有佢地兩人由細到大及一起既相, 一聽d鋼琴音樂咁熟既?? 原來係"小手拉大手", 好sweet呀! 呢首歌又輕快, 如果聽過呢首歌既人, 就會知道d歌詞都係好sweet! 到播佢地相遇既相片show既時候, 音樂就轉左做"遇見"

進場啦! 首先係小花仔好興奮, 大叫地跑住入黎! 好鬼cute呀! 新娘步入教堂, 行到一個位, 陽光剛剛從窗口射係新娘身上, 好sharp呀! 雖然因為我慢左只影到射係婚紗既一刻, 我都覺得個feel好正!

中間, 有朋友帶既青年小組出黎獻詩, 係唱完家歌之後, 佢地分享左對朋友既心聲, 好感人, 眼有d濕濕地..都ok, 小感動o者! 到新娘既小組獻詩, 首歌 "倆心不會變" 真係好好!

牧師訓勉, 彼此相係, 係需要耐心, 包容, 同忍讓! 多為新邊的人諗多一點, 兩人相處就可以好融洽, 快樂! 我自己都覺得, 其實幸福唔需要好複雜, 坦誠, 用心, 彼此包容.. 愛係好感性, 個個人感受程度唔同, 但係坦誠係最重要.. 呢個世界係無愛的謊言! 幾多愛都唔能夠彌補被欺騙既痛!

好開心可以分享到佢地既幸福, 見證美麗既一刻! 遇上一首令我好感動既一首歌:

倆心不會變
站在教堂的門前, 看見這一張親切的臉, 期待著溫馨的這一天.
共挽手的行前, 齊願真心真意並肩, 同渡每一天.
回想你那天給我夢想, 你能令我孤單了的心再不惆悵, 無用再受傷.
同走進教堂編製夢想, 有神在您的路上.
用無限愛心, 祝福您一生, 倆心不會變!
但願倆心不會變, 到地老與天荒也不斷, 仍然願意相守到終點.
若愛心減退了, 期望恩主把愛加潻, 神伴每一天.
用無限愛心祝福您一生, 倆心不會變!

祝福你地, 這首歌都送比我身邊每一對couple! 多謝你地讓小炭頭分享到你地既幸福, 快樂!